Maja & die Soranno Cat`s

1 Geschichte


haid will ich eich emol verzehle was fer ä gaudi mai kadze habbe, wenn ich die verzweifelde DOSI versuche du, mit 4 kadze mei Bedde frisch zu übziehe.

ich werd mich an strenge, damit auch die wo dess dialekt ned so verstehe dun auch die geschichde, die ned frei erfunne iss.... auch lese könne

sodele es war am donnerstag... ich hab gedenkt.... heid du ich mei bedde frisch beziehe, mach die scheene schmädderlingsbeddwesch druff.


also ich erst emol versucht die alde katzebeddwesch runner zu mache....

aber ich sag eich.... mit 4 katze.... ä ding der unmeglichkeit

do sause doch die 4 ...äm sorry, mai halina diva.... iss jo schee brav uff de d e box gesesse und had sich dess speckdaggel von dort aus angeguggd


also mai 3 flugaffekatze habe gedängt mei bedd iss en spielplatz.... die sind ibber die bedde gehupft... der peppone an dene ende
von dem bezug gezobbelt,,,, nai gebisse, als wolld der sage.... nix do,,, dess iss mai bezug,,,, der soll do druff bleibe

na ja, nach ner halbe stund hat ich dess dann endlich geschafft.... ich hab alles uff ein haufe gelegt....
jetzt gehst aber gleich rund

die saudumme spannbedd tücher.... ich hass die dinger.... kaum hab ich dess uff einer seite drinn gehabt. weis de camillo nix besseres, wie unner drunner zu graddle und dort mid dem peppone zu kämbfe.... der hupft dann nämlisch immer uff de camillo druff, weil er denke dud.... boah dess iss jo .... äbbes ganz grosses, wo isch do erlege kann


also ich dess spannbedd tuch werdder an einer seite weg gemachd, damit ich den camillo do drunner vor grege du.... pfffff.... geschafft, also der nächste anlauf.... ich schmeiss dene kaode schnell ä bällsche in den bedd wesch haufe.... damit ich wenigstens mol die spannbedd tücher druff greg uff die bedde.

sodele jetzt die schmädderlingsbeddwesch... mid dem kopfekisse fong isch an.... aber so schnell kan isch gar ned gugge.... geht die halina uff dess kisse los.... wassen mid dere looooos.... sooo kenn isch die gar ned.... aber mir scheint, als gefallt ihr der pink farbene schmädderling

alle mai katze habe sich jetzt uff dem bedd plaziert.... boah isch greg gleich die krise.... jetzt schbiele die kämpferles uff meiner bedd decke die ich jo endlich nach 1 stund überziehe will
ich merk au scho, wie ich ä bissele aggro werd

na ja,ich habs irgendwie geschaft, weil ich ä maus uff mai bedd geschmisse hab.... jetzt will ich die knepf an dere bedd decke zu mache..... Hilföööö. do bewegt sich jo äbbes.... mai nerve.... iss doch do dadsächlich de camillo naigegrabbelt, als ich die zweide garnidur beddwesch gehold hab... ich mit meinem kopf in de bezug nai... versucht den camillo rauszu hole... aber der findet dess nadierlisch dodal lustig und hupft wie so ä kängaruh von einer stell uff die nägschde... der bedd wesch bezug hängt mir middlerweile fast ibber meine knie... so jetzt hab isch dich .... am schwanz hab ich de camillo erwischt.... ich ihn ganz vorsichtig rausgeholt... misch und de camillo unner dämm saubleede beddwesch laken hervorgegrabbeld..... der muss gemerkt habe, dass isch dodal uff hunnerd ( 100 ) bin.... der guggd misch mid seine schene grüne auge o.... und lachd mir sowas von rotzfrech ins gesicht... isch drück dem vor lauder entzücke en knutscha uff sei schnuuuut



also ein bedd iss geschafft.... lieber himmel... es derf jo ned wahr sei.... schon ä ganze stund bin isch jetzt an einem bett zu ibberziehen


ich brauch ä Paus..... geh mol eine rauche... ( jaaaaaaaaaaa.... ich du rauche )

inzwische geht in dem schlofzimma voll de punk ab.... ich her sache uff de bodde falle.... aber mir egal....mir falld spontan die alde HB werbung ei.... genau so fühl ich mich.... wie dess HB- Männle.... jo ned in die luft gehe
also ich versuch jetzt mai 2 bedd... ich hab mich bewaffned, mit ner spritzpistole... wer uff dess bedd hupfe dud. werd gnadelos abgeschosse mit wasser
aber dess hat der bagasch jo gar nix ausgemacht....
inzwische liege die halina de camillo und sein frecher bruder de peppone midde uffem bedd und mache do einer uff kadzeposing.... gugg wie schee mir no liegge kenne und ä schänes gesicht mache.... isch jo dodal budderweich geworde... und 1 runde mit dere fellbande geschmusst.....
allles tak tik.... die missed doch irgendwenn au mol müd werdde
sodele. ... jetzt hol isch de foddoabbarad.... und knips emol ä paar bilder.... die habbe sich do sooo schee uff dere schmädderlings beddwesch drapiert.....

 

dess zwoide bedd iss nach einer weitere halbe stund dann einigermasse reibungslos von statte gegange
der camillo so scheint es mir, hatte mitleid mit mir,,,, denn der hat sicher nur helfe wolle.... er hat an den spannbeddlacke gezoge.....dann unne drunner um zu gugge ob isch dess au richtig mache du....de peppone hat au nomol gugge welle.... isch jetzt voll genervt... hab denkt ... ihr kennd mich emol... ich hab dess oifach so gelasse und hab weiter mei lacke druffgemacht.... dess war scho spassig... wie sich unner dem spannbeddlacke die katze gejagt habe.
nach sage und schreibe 2 stunde war isch dann färdisch.... au mit de nerve... aber isch hab subba guuude foddos geschosse

die katze liege jetzt au so was von entspannd uff dere frische beddwesch

aber meine rache kommt.... hehheh ich muss jo noch dess schlofzimmer sauge.... ich glaub mehr brauch ich dazu ned sage


Liebe Grüss von de Maja